BROSKIN · onlayn va do‘konlarda

Muddatli to‘lov

Mahsulotni hozir oling, to‘lovni 3–12 oy ichida bo‘lib to‘lang. Shartlar broskin.uz va oflayn savdo nuqtalarida bir xil.

Xaridni boshlash +998 33 505 44 55

3–12 oyTo‘lov muddati

18+Yosh va fuqarolik

3 kunShartnomani bekor qilish

Onlayn / oflaynBir xil shartlar

Onlayn

broskin.uz da buyurtma bering, to‘lov usuli sifatida «Muddatli to‘lov»ni tanlang va pasport ma’lumotlarini yuboring. Tekshiruvdan so‘ng limit va shartnoma taklif etiladi.

Oflayn

Pasportingiz bilan istalgan BROSKIN do‘koniga keling. Mahsulotni tanlang — maslahatchi shartnomani joyida rasmiylashtiradi.

Do‘konlar →

To‘liq shartlar

Quyidagi bandlar onlayn va oflayn xaridlar uchun bab-baravar qo‘llaniladi.

1. Kim foydalanishi mumkin

1.1. Muddatli to‘lov xizmatidan foydalanish uchun mijoz quyidagi talablarga javob berishi lozim:

O‘zbekiston Respublikasi fuqarosi bo‘lishi;
18 (o‘n sakkiz) yoshga to‘lgan yoki undan katta bo‘lishi;
Majburiy ijro buyurosi (MIB) tizimi bo‘yicha qarzdorligi bo‘lmasligi;
joriy amaldagi boshqa muddatli to‘lov yoki kredit shartnomalari bo‘yicha kechikishlari va qarzi bo‘lmasligi.

1.2. Mijoz murojaat qilishda o‘z shaxsini tasdiqlovchi hujjatini (pasport) taqdim etishi shart — bu talab onlayn va oflayn xaridlarning ikkalasi uchun ham majburiydir.

1.3. Sotuvchi ko‘rsatilgan shartlarga muvofiqlikni tekshirish maqsadida mijozning MIB va boshqa tegishli manbalardagi kredit tarixi ma’lumotlaridan foydalanishga haqli.

2. Muddat

2.1. Muddatli to‘lov 3 (uch) oydan 12 (o‘n ikki) oygacha bo‘lgan muddatga beriladi.

2.2. Aniq muddat mijozning xohishi hamda Sotuvchi tomonidan mijozga belgilangan limitga muvofiq, tomonlar kelishuvi asosida tanlanadi va shartnomada qayd etiladi.

3. Xarid qilish tartibi

3.1. Onlayn tartib. Mijoz broskin.uz saytida buyurtma rasmiylashtiradi, to‘lov usuli sifatida «Muddatli to‘lov»ni tanlaydi va tizim orqali pasport ma’lumotlarini taqdim etadi. Sotuvchi ma’lumotlarni tekshirgach, mijozga limit va shartnoma shartlarini taklif qiladi.

3.2. Oflayn tartib. Mijoz pasporti bilan Sotuvchining istalgan savdo nuqtasiga bevosita tashrif buyuradi, mahsulotni tanlaydi va sotuvchi-maslahatchi yordamida muddatli to‘lov shartnomasini joyida rasmiylashtiradi.

4. Limit va mahsulot taklifi

4.1. Mijozga ajratiladigan muddatli to‘lov limiti hamda unga taklif etiladigan mahsulotlar assortimenti mijozning moliyaviy holatidan kelib chiqib, quyidagi (va shu kabi boshqa) mezonlar asosida Sotuvchi tomonidan individual tartibda belgilanadi:

daromad darajasi;
mulki (jumladan, avtomobil mavjudligi);
nafaqa miqdori;
bank kartasi (hisob raqami) aylanmasi.

4.2. Sotuvchi mijozga ajratiladigan limit miqdori va taklif etiladigan mahsulot bo‘yicha yakuniy qarorni mustaqil qabul qilish huquqini o‘zida saqlab qoladi.

5. Narx va to‘lov jadvali

5.1. Mahsulot narxi va oylik to‘lov summasi mijoz bilan individual tartibda, tanlangan muddatga (3–12 oy) qarab kelishiladi hamda shartnomada aniq ko‘rsatiladi.

5.2. Shartnomada belgilangan oylik to‘lov summasi va jami to‘lov summasi amal qilish davomida o‘zgarmaydi: mijoz belgilangan jadvaldan erta to‘lasa ham, kechiktirib to‘lasa ham, oylik va umumiy to‘lov summalari qayta hisob-kitob qilinmaydi.

5.3. Mijoz shartnomani imzolashdan oldin uning barcha shartlari (muddat, narx, oylik to‘lov jadvali va boshqa bandlar) bilan to‘liq tanishib chiqishi va bunga o‘z roziligini tasdiqlashi shart.

6. Shartnomani bekor qilish

6.1. Mijoz muddatli to‘lov shartnomasini, u imzolangan (mahsulot topshirilgan) kundan boshlab 3 (uch) kalendar kuni ichida, istalgan sababga ko‘ra bekor qilishga haqli.

6.2. Ko‘rsatilgan 3 kunlik muddat o‘tgandan so‘ng, shartnomani istalgan sababga ko‘ra bekor qilish imkoniyati mavjud emas.

7. Mahsulotda nuqson aniqlansa

7.1. 6-bandda ko‘rsatilgan 3 kunlik muddat o‘tganidan keyin ham, agar mahsulotda sifatsizlik yoki nuqson aniqlansa, uni almashtirish imkoniyati saqlanib qoladi. Bu — shartnomani bekor qilish emas, balki mahsulotni almashtirish tartibi hisoblanadi.

7.2. Nuqsonli mahsulotni almashtirish tartibi, muddatlari va shartlari to‘liq holda broskin.uz saytidagi «Mahsulotlarni va to‘lovlarni qaytarish siyosati» bo‘limida keltirilgan (broskin.uz/uz/return-policy/).

7.3. Shartnomaning o‘zini bekor qilish faqat 6-bandda ko‘rsatilgan 3 kunlik muddat ichida mumkin; ushbu muddat o‘tgandan so‘ng mijoz faqat 7.1–7.2-bandlarda nazarda tutilgan almashtirish tartibidan foydalanishi mumkin, shartnomadan butunlay voz kechish imkoniyati mavjud emas.

8. Boshqa shartlar

8.1. Muddatli to‘lov shartnomasi tuzilishi va bajarilishi bilan bog‘liq umumiy qoidalar SEEN STORE MCHJning Ommaviy ofertasida ham belgilangan bo‘lib, mazkur sahifa Ommaviy oferta bilan birgalikda, uning ajralmas qismi sifatida amal qiladi.

8.2. Sotuvchi ushbu sahifadagi shartlarga o‘zgartirish va qo‘shimchalar kiritish huquqini o‘zida saqlab qoladi; o‘zgarishlar broskin.uz saytida e’lon qilingan vaqtdan boshlab kuchga kiradi.

Eslatma: mazkur sahifada keltirilgan umumiy shartlar asosida har bir mijoz bilan individual shartnoma tuziladi. Shartnomaning aniq bandlari (jumladan, jarima yoki kechikish oqibatlariga oid shartlar) shartnomaning o‘zida batafsil ko‘rsatiladi.